Azərbaycan Respublikasının Prezidenti Cənab İlham Əliyev Azərbaycan Respublikasının səhiyyə işçilərinin “Tərəqqi” medalı ilə təltif edilməsi haqqında Sərəncam imzalayıb. Ölkə başçısı 18.06.2021 tarixli Sərəncam ilə Bakı Sağlamlıq Mərkəzinin icraçı direktoru Asiman Həsənovu səhiyyə sahəsindəki səmərəli fəaliyyətinə görə “Tərəqqi” medalına layiq görüb. Ölkə rəhbərliyi tərəfindən səhiyyə işçilərinə göstərilən etimad və Azərbaycan xalqının inamı fəaliyyətimizə verilən ən yüksək dəyərdir. Bakı Sağlamlıq Mərkəzi olaraq bu etimadı və inamı daima doğrultmağa çalışacağıq.
